كشفت المخرجة رشا شربتجي أن تكون السنة الجديدة سنة خير ومحبة على الجميع وتكون حاملة معها السلام والأمان لأوطاننا.
واضافت شربتجي: “2023 كانت سنة قاسية عليي، خصوصاً أنها أخدت مني أعز الناس، بابا الله يرحمو، اللي كان بالنسبة ألي أب وصديق ومعلم وشريك، بس ذكراه الحلوة وأرشيفو الكبير بيخلوني كون فخورة فيه كل العمر وحس أنو هشام شربتجي موجود وما بيغيب عني وعن كل الناس يللي بتحبو”.
وتابعت “شكراً للأصدقاء اللي بقيوا موجودين بحياتي بكل محبتهن ودعمهن وطاقتهن وأثبتوا أنهن أوفياء وإخوة حقيقيين وأنو الدنيي لسه بخير”.
وختمت كلامها بالقول:” شكراً لكل حدا تعب معي بكل عمل فني، وللجمهور الغالي على محبتو ودعمو وحتى نقدو يللي بيخليني أجتهد أكتر، و شكرا لكل شخص شاركني فرحة النجاح.
وبالـ 2024 ح نحمل الحب معنا لأنو هو العطاء الحقيقي ونحاول نقدم كل شي إيجابي وحلو منقدر عليه بهي الظروف حتى تكون سنة خير، وعلى أمل تخلص كل الحروب حتى نعيش بسلام واستقرار.
كل عام وأنتوا بخير.